Mae Ffederasiwn Clybiau Ffermwyr Ieuainc Sir Gâr yn ran o Fudiad Cenedlaethol o fewn Cymru a hefyd ar lefel Cymru a Lloegr. Mudiad sydd yn rhoi cyfle o bob math yw yr uchod o'r aelod mwyaf swil yn 10 oed tan yr aelod sydd wedi datblygu llawer o fewn y Mudiad tan yn 26 oed. Mae cyfle gwych i gymdeithasu fel aelod hefyd cyfle i deithio tramor, magu hyder trwy gystadlu, cymeryd rhan mewn chwaraeon a phob math o gystadleuthau eraill, bod yn rhan o dim boed mewn cystadleuaeth neu mewn prosiect cefn gwlad, mae'r rhestr yn enfawr. CYFLE dyna beth sydd yn eich disgwyl yn holl glybiau y Sir a hefyd ar lefel Cymru.

Bydd croeso mawr yn aros amdanoch mewn unrhyw un o'r 29 clwb o fewn Sir Gâr. Cysyllwch a Anwen Evans neu Eirios Thomas i weld beth sydd ymlaen yr wythnos yma, peidiwch ag oedi a gadael eich cyfle tan yr wythnos nesaf oherwydd mi allaf eich sicrhau 'rydych yn colli allan.